مع مانجا (بلانيلة): حاجة كده علي الماشي

أنا مش هناقش النقاب سنة ولا فرض لأن شايفة كل واحد حر يلبس اللى هو عاوزه وفي الأخر نرجع لربنا يحاسبنا. 

بس في نقطة لازم أناقشها ...
إمبارح وأنا في غرفة الأنتظار بتاعة الدكتور شفت واحدة ما شاء الله منقبة ومعاها زوجها وصاحبتها منقبة برضه.
الهانم المنقبة مفروض أنها قاعدة علي الكرسي اللي قدامي عاملة إيه بقي أشهدوا إنتوا و أحكموا علي نقابها.

 أولاً: لابسة بربرق من راسها لرجليها عباية بالترتر ومعرفش إيه مااااااااشي هي العباية بتتباع كده أصلا بلاش عقد يانور 

ثانياً: راسمة عنيها الجريئة رسمة مظبوطة جداً من تحت النقاب
مااااااااشي الكحل سنة.

لكن اللى مش قادرة أبلعه بقي الست راسمة رجليها بالحنة لحد ركبتها وكل شوية ترفع طرف العباية وتمد رجلها فكده أنا وزوجي وكل اللى في العيادة شفنا رجليها المرسومة لحد الركبة وجوزها بصراحة راجل كاجوال خالص ولا فتح بؤقه ولا الهوا هي الست منقبة راسها ومعرية رجليها.
أنا نفسي كل واحدة تلبس النقاب تفهم أن ده مظهر من مظاهر التدين للأسف بتسئ لنفسها وللنقاب والمنقبات والعيشة واللي عايشينها!
#بلانيلة