كله متعلق ف خيط...
كله مربوطله الجرس..اللي ثاير والغلابة والحرس..
كله بيلف فدواير...كله بيعيش المآسي..
.ناس بتعجبها الستاير...ناس بتعجبها الكراسي
ناس بتسأل يا حماسي ....ليه سكت؟
ياللي مش عارف حقيقتك
ياللي مش عارف حقيقتي
مرة زيك اتفاجئت
إننا في الأصل شلة من عرايس ماريونت
كله مستني الايدين اللي بتحرك خيوطه
اللي بتحدد حياته...واللي بتحددله موته
مين يلومني عن سكوتي
مين ألومه عن سكوته
مين يحركني بإيده
مين يسلف صوتي صوته
نفسي اقول اني تعبت
كلنا في الأصل شلة
من عرايس ماريونت
الفكرة بليغة ،وأمكن التعبير عنها ببساطةآسرة، قادرة علي التعبير والتأثير . مع تحياتي .
ردحذف