وإتعرت الشنبات
السرقه سرقة شرف
والفرجة للخو-ج-ات
م الحزن قلبى اشتكا
شحتف ونهنه بكا
وصف قلمهم حكا
حروف وكلمات
أنا اللى قلمى إتكسف
إتمنى لو يتنسف
ماعدش ينفع أسف
ولا ينفع السكات
زعل الشيطان إتألم
سرح كتير و بلم
منهم مناه يتعلم
الفن والمهارات
صوت الصريخ والآه
وسط الزحمه تاه
أزاى تكون الحياة
ف غابة حيوانات
نكسة منغير حروب
أصبر يا صبر أيوب
أغزل م الدمع توب
غطى لحم البنات
هيجى يوم أجيال
هتذلنا بسؤال
فين راحت الرجال
يازمن الخو-ج-ات
لو أخرنا الحساب
يصبنا يوم العذاب
لازم قطع الرقاب
ونمنع الجايات
الحفلة صبحت قرف
وإتعرت الشنبات
السرقه سرقة شرف
والفرجه للخو-ج-ات
ليست هناك تعليقات:
إرسال تعليق