شعر: عامية – فصحى: أنا المصرى بقلم/ أبو جنة

أنا المصري

شارب من نيلك يابلدي

واكل من طينك يابلدي

بس خايف يابلدي

يوم ما أصحى من نومي

ألقاكِ يامصر مش بلدي

أنا الحلم اللي دايب في عيون ولدي

أنا البسمه اللي رايحة من غير رجوع

أنا النسمة اللي تايهة وسط النجوع

انا لمبة ومكسورة

أنا كلمة ومجبورة

أنا الأيام اللي بتعدي

ولسة الدمعة في الصورة

أنا المصري

شربت المر يا بلدي

ودقت الهم يابلدي

خايف عليكي يابلدي

يوم ما أصحى من نومي

القاكي يامصر مش بلدي

أنا المصري

أنا المصري

أنا الثورة اللي مكبوتة

أنا الآهه أنا الموتة

للظالم صفحه في النوتة

جايه في عز غفلتهم

تشيل العفره يابلدي

تضئ الضلمه يابلدي

وتكشف عن مساوئهم

وتجلي الظلم عن بلدي

أنا المصري