الثلاثاء
23/4/2002
نفسى أقولك
نفسى أبوح لك
بس يمنعنى الآنين
نفسى أقرب
نفسى أجرب قبل ما يفوتنى الحنين
ياللى صورتك مالية قلبى
مالية عينى كل ما تمر السنين
بدى أقولك على اللى بيا لو شوية
بس صدّك شىء حزين
ليه بترضى تشجى قلبى ويّا روحى؟!
و أنتِ حبك فيه رنين
رنة يسعد بيها قلبى ويّا نفسى
تشبك القلب الضنين
نفسى أرقص
نفسى أغنى
نفسى أقولك ليل يا عين
بس أنتِ وأده حبى جوه قلبى ليه؟
خايفة منى ؟!
طب خايفة ليه ؟!
وأنتِ عندى شىء رزين !
شاردو منى
طب شاردة ليه ؟!
وأنتِ عينك مجروحين !
مجروحين من طول عذابك
قلبى وحده بس أداكِ روحين
روح حتمسح حزن عنك
وروح حتفرح بالعنين
لما صورتك تمشى منك
تسكن القلب الحزين
قلبى ضايع من بعادك
مين حيشعر ؟!
قولى مين ؟!
ياللى صوتك جوه روحى
هو لحن المشتاقين
ياللى قربك من جروحى
يشفى جرحى والآنين
أنتِ وحدك ساكنة قلبى
نفسى أقابلك بس فين ؟!
فين يحصل ده ياروحى ؟!
وأنتِ بانية سور حصين ؟!
سور بيمنع صوتى
بوحى
يوصل القلب الشجين
قلبك أنتِ يكفى عمرى
بس أرضى أطوى وياكى السنين
قولى مرة عاوزه قلبك
يجرى قلبى زى جرى المشتاقين
أيوة قلبى
يروح لقلبك
ينسى صدّك
يصبح القلب الأمين
أيوه قلبى هو والله الأمين
ليست هناك تعليقات:
إرسال تعليق