لو ممكن تبقي محتار
لو ممكن من غيري تكمل مشوار
وتنساني......
قول ... أتحداني
ولا هسأل ليه ؟
ليه أعيش أوهام تاني ؟
لو فيها الخير ليك ؟
لو هتقدر تواسيك
لو لاقي فيها أماني
يالا قول واتحداني !
غيرتي عليك مش قتلاني
ولاحبي ليك هيسألني تاني ؟
ليه كتير أنا عشت أحزاني ؟
وليه هدمت بأيدي كياني ؟
مش فاهمة ليه ؟!
علشانك ولا علشاني ؟
قلبي اللي ضاع بكتماني
دايما شايفاها جواك
بتحاول تطلع براك ...
بتحاول تتغلب علي ملامحك
ولو هي بجد حساك
يبقي أنا مليش وجود وياك
ليه دايما مش فاهم؟
بتعاند .. ولا بتسمعني ؟
ولا بتعذرني في ضعفي ؟
لا ... وكمان بتوجعني ؟
حقق أملي فيك
خليك ... حبيبي أنا وحدي ..
لو ممكن !
لو ممكن تطمني بيك !
لوممكن
لو ممكن تحسسني بكياني ..
أتمني ؟!!
أتمني أعيش لياليك وأتهني ...
بس الشك خلاص أتأصل ..
وجذور الشك بتطرح
ورد طالح ومرر...
عمالة بتغلغل ... وتجنن فيا وتتفرع ..
سايباك لدنيا عشناها ...
أنا وأنت ياريت ما تنساها
لو ممكن نرجع من تاني
نبني بروج أحلام ومعاني ...
تهز دنيا عشاق الأنس
وتهز قلوب شاخت من القهر ...
والله ياريت تسمع مني
لو ممكن !!
لو ممكن تحبني من غير ما تفكر؟
من غير ما تعكر صفو حياتنا ...
بناس نسيوك ... ولا بتحبهم ولا بيحبوك ..
ولا حبيتهم ولا حبوك
لو ممكن
لو ممكن أرفع شكي وقلقي ؟
وأعيش وياك بصبري وجلدي
لو ممكن أرجع بالزمن من تاني !
وأمثل مشاهد حياتي من الأول
كان ممكن أغير فيها و أطور
ولا أني أخاف وأتهور!
ولا أني أفتح عينيك ... علي حد معين ..
ولا أني أتوه في دوامة مش بتتغير ...
لو ممكن ....!
ليست هناك تعليقات:
إرسال تعليق