على روح خالى الشهيد العقيد أركان حرب هانى نافع
2/9/2013
لما الدموع فالعين تتبخر وترفض السيلان
لما القلوب فالصدر تتحجر وتعلن العصيان
ـبكى من الداخل وـنزف عالحال وأنا حيران
أشكى دموعى لمين عالخال وأنا الإنسان
.........................
لا جروحى تبطل تنزف ولا دموعى تفك الهمّ
ويفضل همّ جوى القلب يوجع فيه ما يتلم
وأرجع وأفتكر الضحكة وكان الخال مش العم
وراح الخال مع الشهدا وترك القلب ينزف دم
.........................
كنت ألاقيه طول العمر متغندر ولا البشوات
ورغم العزة والهمة ألاقي فيه تقى الصلوات
ورغم الشدة والحكمة تلاقى فيه فتى الستات
وكان يأمر ويتأمر ولكنه من الأخر يصل رحمات
........................
وكنت بشوفك يا علة قانون مثال للحب وأنت حنون
وكنت بشوفك بعين القلب عالى الهامة ومالى الكون
ومالى الكون بحنية برغم النظرة حيرانة وفيها شجون
وكنت ألاقى معاك الدنيا بتتنطط ومجنونة مليها جنون
.......................
وليه الغادر غدر بينا وفاضت روحك فى يوم العيد
وليه لازم يروح من بينا نقاء الروح معاك يا السيد
وأنت السيد مش العبد غدر بيك وحوش وعبيد
و آخر كلمة راح أنطقها على روحك سلام يا شهيد
ليست هناك تعليقات:
إرسال تعليق