بص يا مصري انت وهي
كنا زمان في العصرية
نبكي ونشكي علي بلدنا
كونا بنمشي في ارض اجدادنا
ولا بنحس بالملكية
كان احساسنا مالينا بخيبة
ويأس ونيلة وقلة هيبة
كان تفكيرنا نجيب اللقمة
نجيب الهدمة نجيب المية
كانوا شاغلينا وكانوا مالكينا
بأمن الدولة والطائفية
كانوا حابسين تفكيرنا في بيتنا
أو في عيشتنا أو في شارعنا
كونا بنمشي جنب الحيط
لا
لا
لا
تحت الحيط
دوقنا الظلم يا ناس ألوان
ذل أهانة وضرب كمان
عشنا في عصر كله فساد
كله مهانة كله خراب
كله جشع وصراع وعذاب
طفح الكيل وقولنا خلاص
مش قادرين ياولاد التتتييت
مش عايزنكم مش قابلينكم
أمشوا وغورا من قدامنا
هي بلدنا وأرض ولادنا
أمشوا وغوروا سيبونا نعيش
هي بلدنا ومش سكتين
دوقنا المر أشكال وألوان
مرة بلون حبس ولادنا
ومرة بلون أكل أموالنا
ومرة بطلق النار في ولادنا
ومرة بسرقة أرض بلدنا
ومرة بغلاء لقمة قوتنا
وشوفوا يا دنيا وصلنا لأيه
يومها العادلي بظلمه قال سيبوا
كلابنا ......... يربوهم
طلقوا علينا البلطجية
وأخدوا اوامر بالتدمير
أخدوا اوامر بالترويع
أمشوا واطغوا فيها فساد
مش حنسيب كرامتنا تضيع
ولا حنسيب حق شهيد
حبس مبارك وياه حبيب
حبس نظيف وياه عبيد
حنجلد عز وحنربيه
أما جمالك ده يا مبارك
عالشواية و حنشويه
اوعى يا مصري تسكت تاني
اوعي يا مصري تغمي عنيك
اوعي تشوف وتقول وأنا مالي
مش حنكرر عهد زمان
أيدي في أيدك نعلي بلادنا
مصر بلدنا زي سفينة
ماشية في بحر الخير بأيدينا
حنمشيها وحنعليها لحد مترسى
لبر أمان
ونسلمها لايادي أولادنا
عروسة وأم الدنيا كمان
ما شاء الله شعر جداً جميل
ردحذف