أنا أسف يا شعبى
يا شقاية و تعبى
ياللى أخدت منك
مالك أرضك و أبنك
ياللى سرقت منك
محصولك و زرعك
و بسرعة نهبتك منك
ملايينك وأرضك
طب فاكر يا شعبى
يوم الغرق الأكبر
بعبارة سلامى
بعد اللى مات من شعبى
أبنائى وبناتى
يومها يا شعبى سكت
علي غرق أولادى
و لا حتي يا شعبى تعبت
من دمعة إخواتى
أنا آسف يا شعبى
ياللى ياما أكلت
من الزبالة فى عهدى
أنا آسف يا شعبى
ياللى ياما أدفنت
فى أمن الدولة بأمري
أنا آسف يا شعبى
على خالد سعيد
و على سيد بلال
و على بنت الموظف
العادى الغلبان
اللى قالت (لا) كفيانا حرمان
أخدوها في امن الدوله
بأمرى هى كمان
أنا آسف يا شعبى
على اللحمة القليل
و على كتر الفلافل
و كتر الجرجير
أنا آسف يا شعبى
على شرب المجارى
و علي اكل الكيماوي
وعلى السرطان و السي
أنا آسف يا شعبى
على الوكسة الكبيرة
البطالة العقيمة
اللى مالها حل
انا آسف يا ولادى
على خصخصة بلادى
و الغاز اللى طالع
من مصر للأعادى
ده خطاب اعتذارى
و أهي الفكة خدوها
و سيبوني من السجن أفل
رد الشعب و قال
ترضى يا إنسان
يا طاغى يا جبان
يا عميل الأمريكان
نموت لك جمالك
و نحرق لك علاءك
و نغرق لك احفادك في عبارة سلامك
و نسحلها سوزانك في أمن دولة جنابك
و نيجي نتأسف
لو تقبل يا طاغى مننا الأسف
حنقبل يا طاغى منك العوض
و نقولك يا طاغى حاخامنك بيصلى لرجوعك يا غالى
مصر مش عايزاك تانى فيها تعيش
إطلع منها بره مضروب بالقباقيب
ليست هناك تعليقات:
إرسال تعليق