2/12/2011
انتشرت فالاونة الاخيرة وخصوصا بعد تنبؤ البعض باكتساح الاخوان المسلمين لانتخابات مجلس الشعب بعض التعليقات الساخرة والمسيئة مستخدمين شعارات واداب اسلامية فى تلك الدعابات وعلى سبيل المثال لا الحصر تلك المقولة
......................................
لما الإخوان يمسكو البلد ان شاء الله
1-مؤمن هيبقي الدليفري الوحيد في مصر
2-سيتم تغيير الطريق الدائري الي الطريق المستقيم
... 3-درينكيز هتبيع سوبيا
4-التوحيد و النور حيفتح في سيتي ستارز مكان زارا
... 5-هيشيلو التفاحه بتاعة اى فون و يحطو بلحه
6-تدخل كنتاكي تطلب دينر بوكس تلاقيه مغطيلك الصدر والورك بمنديل
7-مصر هتختار شيبسي بطعم التمر
8-اقوى شتيمة هتكون ''ثكلتك أمك"
9-سيتم إضافة إن شاء الله بعد كلمه انتر في الكيبورد
............
وللاسف لما تيجى تقول لواحد فيهم من هؤلاء الناقلين لمثل تلك الدعابات عن عدم وعى يقولك يا عم احنا بنهزر
عاوز اقول لاخوانا المتناقلين لتلك الجملة
الم تسمع عن سورة التوبة
الم تقرأ قوله تعالى ( ولئن سألتهم ليقولو إنما كنا نخوض ونلعب ، قل أبالله وآياته ورسوله كنتم تستهزؤن ، لا تعتذرو قد كفرتم بعد إيمانكم)
عاوز اقول للناس دى بلاش ننقل من غير ما نفكر ولازم نقرأ كل حاجة قبل ما ننقلها ونفكر فى معانيها كويس
الم يقل رسول الله صلى الله عليه وسلم فى حديث فيما معناه ان الرجل يلقى بالكلمة لا يلقى لها بال تهب به للنار سبعين خريفا؟؟!!
اترك لكم التقييم والحكم ولكم خالص تحياتى
ليست هناك تعليقات:
إرسال تعليق