ناس كتير متعرفش حاجة عن موضوع اﻻبراج دة وفيه ناس تانية الموضوع عندهم هوس ومزاج وبيصدقوا فيه جدا وعارفين كل ما يخصه وايه هي ادق تفاصيل البرج وايه هي مميزات البرج ده ومدي التوافق معاه ومع البرج اﻻخر, حتي وصل الهوس ببعض الناس انهم يتزوجون عن طريق توافق اﻻبراج علشان يعرفوا هما اد ايه منسجمين مع بعض وايه هي نسبة نجاح العﻻقة بينهم, طبعا ناهيك عن الناس التانين اللي بيقولوا ان علم اﻻبراج ده حرام واﻻكتر من كده انهم بيدعوا ان من يقرأ حظة اليوم تبطل صﻻته, و أن ده اسمه تنبأ بالقدر ودي حاجة ﻻيعلمها اﻻ اللة وحده ,خد عندك فيه ابراج كتير وفيه تداخل بين اﻻبراج ,ناس تقول ده علم فلكي وله اصوله وناس تانية ملهاش في الحوار ده من اﻻساس ﻻ ليها في اﻻبراج وﻻ تعرف ايه هوه الفلك اساسا :وساعات بيبقي موضوع اﻻبراج ده وسيلة لﻻتصال اﻻجتماعي بين شباب اليومين دول زي كده السؤال عن الطقس في انجلترا فيه صنف من الناس يقولك اية هي مساوئ البرج الفﻻني وايه هي مميزات البرج العﻻني ومعقول انت برجك الجوزاء ياساتر يارب حاسب بقي علي نفسك وانت برجك اية بقي؟ يعني لسه فيه برج في دماغك شغال وﻻ خﻻص البرج اللي كان فاضل ضرب من كتر الهوس المجتمعي الحالي اللي وصل فيه حد التفاهة بين الشباب اليومين دول ﻻخره في موضوع اﻻبراج وتتصور ده مش عارف مين من الممثلين طلع برج اﻻسد و البرج ده كويس و ده فيه خطر علي صحته , اصل انا من برج القوس ولم يسبق لي ان تشرفت باسد قبل كده وطبعا معروف ان احنا بنتعرف علي برجنا من تاريخ ميﻻدنا يعني لكل برج فترة زمنية محددة اذا اتولد في يوم اسود من ايام البرج الذي تنتمي اليه :يبقي ده حظك وده برج حضرتك اكنة مثﻻ برج في الجنة وﻻ من ناطحات السحاب وما دفعني لكتابة هذا الموضوع انني فوجئت في قعدة ليا مع بعض الناس انهم يسالوا مثل هذا السؤال انت برج اية؟اكنه مثﻻ بيسال انت من كوكب اية اﻻرض وﻻ المريخ وﻻ مش من المجموعة الشمسية اساسا وللعلم جميع اﻻبرج العربية لها عﻻقة بالكواكب بداخل المجموعة الشمسية المهم ان واحد منهم قال"واو ده انا كل عيوبي اللي المفروض محدش يعرفها غيري لقيتها موجودة في البرج بتاعي ودة شئ مذهل وفظيع" اكنه مثﻻ احمد زويل واكتشف اللي محدش اكتشفة من قبله و التاني رد علية انا بقي برج الحوت ده برج مثالي وصبور اما التالت " ﻻﻻ انا من برج الجوزاء" رد الرابع لية كده ده البرج ده مش بيريحني وبحس باﻻشمئزاز منه مش عارف لية" وبرج اﻻسد ياه ده حظه من السما اللي يحبه برج اﻻسد ويبقي يومه مش فايت لو كرهه " وهكذا صار الحوار وانا مرارتي كانت علي اخرها المهم هناك نوعان من اﻻبراج اﻻولي هي اﻻبراج العربية المعروفة"الحمل و الثور والجوزاء والعقرب والسرطان والعذراء واﻻسد والميزان والقوس والجدي والدلو واخيرا الحوت ليكونوا اثني عشر برجا وفية ابراج تانية اسمها اﻻبراج الصينية وهي" الفأر والنمر والبقرة واﻻرنب والتنيين والثعبان والحصان والعنزة والقرد والديك والكلب والخنزير"ولكل برج خصائصة وصفات اساسية فيه للذكر والمرأة وكذلك توقعات سنوية وتوقعات شهرية لكل برج وتنقسم اﻻبراج العربية الي العناصر اﻻربعة المكونة لﻻرض وهي النارية وتضم "الحمل واﻻسد والقوس " وتناسبها الحروف " ا,ت,ف,ل,غ"والترابية وتشمل" العذراء,والجدي والثور" وتناسبها الحروف اﻻبجدية "ب,م,ك,ظ,َ,ض,ي" والعنصر الثالث هوائية وابراجه الجوزاء والميزان والدلو وحروفه اﻻبجدية "ث,ج,ح,خ,ذ,ر,ز,س,ص,ق,ط"واخيرا المائية وتشمل برج الحوت والسرطان والعقرب ويناسبها "د,ع,ش,و,ة,ث"واﻻغرب من ذلك انة توجد ابراج تتأثر بالسحر سريعا يعني كانت ناقصة كمان واﻻبراج هي" الجوزاء والسرطان واﻻسد والعذراء والميزان والقوس والحوت والدلو يعني كل واحد مش من اﻻبراج دي يحمد ربنا بقي وكمان كل برج له الوانه التي تميزه وفي ناس مختلفة جدا تﻻقيها مولودة بين برجين يعني متعلقة تجمع ميزات وعيوب برجين شفتم الكارثة بس دول طلعوا ناصحيين اوي فياريت كل ام من بنات المستقبل المهتمة باﻻبراج تبقي تنقي البرج اللي عاجبها وتظبط ميعاد الوﻻدة بتاعتها علية علشان يبقي المجتمع مليان عناصر برجية فذة و ربنا يكملنا بعقلنا....قولوا آمين
ليست هناك تعليقات:
إرسال تعليق