كانله شرف الوجود فى الميدان
شاف البطولات لجيش الشجعان
اللى درسها التاريخ وغناها الزمان
--------------------------------
ابتدى لكم ايه ولا ايه من الاعجازات
اللى قالو هدمه من رابع المستحيلات
انهار تحت رجلينا يا دوب فى ساعات
ايمان مالينا غيرالنصر مفيش احتملات
-----------------------------------
كنا فدائين والروح على الكف امارة
لما طاش الرصاص ملايين بغزارة
ما نقاش مننا المسلمين او النصارى
ما لقاش غير المصرين بس بجدارة
---------------------------------
واستمر جيش النصر بيمان زاحف
وقلبه عمران بالصلبان والمصاحف
والعدو هربان و على اربعة ساحف
تارك عتاد الوان عملنا منه متاحف
---------------------------------
بعد النكسة ظهرت للشماتة اظافر و انياب
لكن الدنيا اندهشت من العجب وبالاعجاب
لما قالو مصر وقعت ونهارها شاب وغاب
ولقو شمسها طلعت و نارها فى عزالشباب
ولقو انتصارتها رجعت باصرارها الغلاب
والقناة صالحت ولادها من غير اى عتاب
سينا حضنت جنودها بالاشواق بعد غياب
--------------------------------------
اللى انحنى على التراب باسه
واللى بالشكرعبرعن احساسة
واللى زرع العلم باخر انفاسه
فخور ومبتسم ورافع راسه
النصر شافنا عمدان اساسه
والمجد عرفنا اهله و ناسه
-------------------------
هنا من ساحة اكتوبر المجيدة
تحية اجلال للاجيال الجديدة
اجدادكم بارادة الحب الشديدة
ضحو بنفوس راضية سعيدة
داسو جراح ضحو بالارواح
لاجل بسمة الحفيد و الحفيدة
ليست هناك تعليقات:
إرسال تعليق