9/3/2014
الطيبه مش بالشكل
شرير باجمل وش
الصحه مش بالاكل
امرض بسبب الكرش
بنى ادم بنى قصور
وعدى بيها بحور
طار بيها كالعصفور
واخره ضعيف وهش
فى الدنيا بنتخدع
براها غير جواها
فى حياتنا بنتوجع
غنوتنا هيا الاهااا
متقولش انك فاهمها
كام مره ليها بكيت
بلاش تدافع عنها
انا فوقت ليها صحيت
ليه لما يشتد فرحك
تلقى عينك تدمع
ليه لما يشتد جرحك
ينكتم صوتك ما يطلع
جرب تسرح وتفرح
وانسى حالك كام يوم
هتلاقى جرح بيدبح
وكترت عليك الهموم
ليه لما الفجر يطلع
بيجى بعده الظلام
ليه لما تاكل وتشبع
تتعب لو بعده تنام
مليت منك يا الدنيا
قولت انام وارتاح
صحيت على حاجه تانيا
لقيت العمر راح
ليست هناك تعليقات:
إرسال تعليق