انا الزاهد ومتلومينش
انا زاهد قرر يعيش
بعيد عنكو بعيد عن الجهل
بعيد عن سلطة قانونها سب ,قتل الاهل
بعيد عن ناس حكمو عليا و ما يعرفونيش
فامتلومنيش
انا الدرويش
وحلمى ايه خلاص -مافيش
علشان كان حلمى مع صاحبى
ومات صاحبى وسابنى اعيش
فا انا مخترتش اعيش واحدى
فى دنيا بعيد عن اهلى
و عن بلدى الى كان
املى اشوفها سعيدة و ماتشوفنيش
حزين مرة على حالها
و على ولدها الى ماتو بأيد سكنها
علشان فكرة علشان العيش
و محتارة يابلدى ازاى
ما بنهم واحنا يا خسارة
و لسه سؤالك مالهوش جواب
مين خانك ؟! يا خسارة
سؤال خايب
ما ليكى عنين تشوفى الحق
تشوفى مين نطق بقولة لا
و مين كان بيته زنزانة
و مين كان بيته نحت الارض
خلاص يا بلدى ارتاحى انا زاهد
فى عالمى الخاص وسارح
فى مالكوت الخالق
و مستنى يوم الخلاص
فهما تقولى عليا
ده واد مجنون ده واد فالت
فا مهما تقولو
انا زاهد
ليست هناك تعليقات:
إرسال تعليق