قلناها في الميدان
وف كل صلاه وسجده
مصر بكل الاديان
مع جيشها ايد واحده
شفنا حتي البنات
علي ضهر الدبابات
بيقولوا كلمه حكمه
احنا ولاد النهارده
احنا ولاد البلد دي
عايزينها ديمقراطيه
عايزين الفرحه تكبر
في قلوب المصراويه
دا الاسلام من فصاحته
والانجيل من سماحته
قايلين ان الكنانه
بلد الامن الابيه
من بعد عقود ثلاثه
عشناها تاتا تاتا
الحق هيبقي واضح
والغش خيال مآته
لاالصوت نرجع نبيعه
ولا الاحلام يضيعوا
وان حاول حد يلعب
هندافع باستماته
هنصون دم الشهيد
والمصابين والضحايا
وهنحلف من جديد
مانبيع ابدا قضايا
واللي يحاول يخرب
او من واجباته يهرب
هيشوف وسط الميدان
ملايين وسط الميدان
ليست هناك تعليقات:
إرسال تعليق