الاربعاء
11/1/2012
لا كنت حقول ولا اتمنى
لضيك انتى واستنى
يا ضى الضى
****
لقيتك ارض مروية
بهجر الحب مسقية
طفيتى الضى
*****
اتارى الكلمة محبوسة
وفوق السطر مطموسة
حعيد الضى
*****
حنور بيكى لياليا
وحملى القلب حنية
ياقلبى الحى
*****
لزملك قلب يتدارى
لزملك ايادى حمالة
لزملك زى
*****
لزملك ايوة رجالة
وعين تحرس وشيالة
لزملك شى
*****
حخلى البسمة ترقصلك
واخلى الدنيا تحرسلك
واكونلك زى
*****
انا اللى عنيا عشقوكى
من غير حتى يشوفوكى
حصيرلك شى
*****
بلاش نعند ونتحدى
ونرمى السهم بالصدة
حموتلك أى
*****
وسهمك صاب وفرقنى
شتاتى نفسى يصدقنى
واقولك حى
*****
حسيبك تحكمى ضميرك
واسيب القلب يحكيلك
يكونلك رى
*****
ينور بيا ايامك
ويفرح قرب احلامك
يكونلك ضى
يا ضى الضى
ليست هناك تعليقات:
إرسال تعليق