28 / 9 / 2011
يا مصر ليه حملك طويل
و لما يتولد الجنين ينزل عويل
مش عارف عدوه من حبيبه
مش عارف يشوف الديب وعويله
مع إن صوته واضح يجلجل
فى كل الدروب طالع يصهلل
يا هل ترى عنيكى مكسورة
و اللا مذعورة
قوليلى .. إتكلمى .. حطينى فى الصورة
دا انا كل يوم بموت ألف مرة
لما اشوف الكنانة من غير سهام
لما اشوف الملامح من غير زمام
لما اشوف ثورة مضادة من لئام
و انا العريس قدمت ليكى المهور
شهدا بتسبح فى السما و فى البحور
لساكى غضبانة
لساكى مرضانة
طيب بوحيلى بنيتك و انا اجيلك حبيب
طيب بوحيلى بعلتك و انا اجيلك طبيب
و اللا اقولك خليكى على راحتك
أنا اللى زعلان من جبايرك من عمايلك
إزاى الكلب اللى نهش لحمك
لسه خطوته موجودة على أرضك
خنزير عايش حواليه الرمم
اتباعوا زمان بسوق الذمم
يا نا يا همه ..
واختارى العريس
اللى نزفت دماؤه فى أرض البلاد
و اللا اللى عاث فيكى الفساد
و اللا كل مختال خسيس ....
ليست هناك تعليقات:
إرسال تعليق