مش حلوة ولا منتوته
منسية ومكبوته
حزينة ومش مبسوطة
حدوته تحكي احداث عصور
مال وشهره حقد وغرور
حتتظلم وتتهان وتموت غلبان
كان ياماكان في سالف العصر والاوان
مارد جبار ظالم فاسد جبنان
بيساعده وحوش من غير فصيلة الإنسان
بلدنا لغابة حولوها وبظلمهم أخروها
كرامتنا برجليهم داسوها
كل حقوقنا استنزفوها
وفلوسنا سرقوها
اصواتنا كتموها
حياتنا فسدوها
دمائنا شربوها
الامل والسعادة اغتالوها
السطحية واللا مبالاة نشروها
عايز تشتغل ليه تطلع مين وابن مين
ابوك مين رئيس ولا وزير
وسطتك مين فاسد ولا قاتل ولا حقير
لو مش من دول انسي حقوقك وانسي التغيير
او اقولك احسن لك ركب جناحات وطير زي العصافير
ودي كانت بداية الحدوته
ياتري حلوة ولا منتوته
ليست هناك تعليقات:
إرسال تعليق