الشاعر/ بيرم التونسى
من قبل ما أكتب أنا عارف القول ضايع
و الأجر بالتأكيد ذاهب حسب الشايع
و الشم حايجينى مسوجر من واد صايع
مهما انكويت بالنار و الزيت برضك فنان
يا مصرى و نت اللى هاممنى من دون الكل
هزيل و يحسبك الجاهل عيان بالسل
من دى الكيوف اللى تصبر على كتر الذل
و نمت و العالم فايق قوم بص و طل
شوف الشعوب و اتغص و دوب و أرجع إنسان
و اللى آلمنى و بكانى إنت يا شامى
عالأكل نازل طول عمرك بارد حامى
و قلت لما نهيتك مصرى حرامى
لحد ما الجزار خلا جرحك دامى
و الله الخروف سايب معلوف ما يفوته جعان
و المغربى المسلم راخر أبو زر فاشوك
لما انتقدته فزع قال لى يعلن بو أبوك
و أنا اللى قصدى أشوف قيده يصبح مفكوك
لقيته فرحان به راضى طيب مبروك
خليك فقير دق البندير و كل التعبان
روح العراق راخر قول له كيف الأحوال
لإمتى أفضل يا أخينا بحرام و عقال
ما تعرف الجاز يستعمل غير للمشعال
ألطم بقى وقل و يايه الجاز أموال
و أوعى المداس يفلت تحتاس و تقول لى أمان
يا شرق فيك جو منور و الفكر ضلام
و فيك حرارة يا خسارة و برود أجسام
فيك سبعميت مليون زلمة لكن أغنام
لا بالمسيح عرفوا مقامهم و لا بالإسلام
هى الشموس بتخلى الروس كدا هو بدنجان
من قبل ما أكتب أنا عارف القول ضايع
و الأجر بالتأكيد ذاهب حسب الشايع
و الشم حايجينى مسوجر من واد صايع
مهما انكويت بالنار و الزيت برضك فنان
يا مصرى و نت اللى هاممنى من دون الكل
هزيل و يحسبك الجاهل عيان بالسل
من دى الكيوف اللى تصبر على كتر الذل
و نمت و العالم فايق قوم بص و طل
شوف الشعوب و اتغص و دوب و أرجع إنسان
و اللى آلمنى و بكانى إنت يا شامى
عالأكل نازل طول عمرك بارد حامى
و قلت لما نهيتك مصرى حرامى
لحد ما الجزار خلا جرحك دامى
و الله الخروف سايب معلوف ما يفوته جعان
و المغربى المسلم راخر أبو زر فاشوك
لما انتقدته فزع قال لى يعلن بو أبوك
و أنا اللى قصدى أشوف قيده يصبح مفكوك
لقيته فرحان به راضى طيب مبروك
خليك فقير دق البندير و كل التعبان
روح العراق راخر قول له كيف الأحوال
لإمتى أفضل يا أخينا بحرام و عقال
ما تعرف الجاز يستعمل غير للمشعال
ألطم بقى وقل و يايه الجاز أموال
و أوعى المداس يفلت تحتاس و تقول لى أمان
يا شرق فيك جو منور و الفكر ضلام
و فيك حرارة يا خسارة و برود أجسام
فيك سبعميت مليون زلمة لكن أغنام
لا بالمسيح عرفوا مقامهم و لا بالإسلام
هى الشموس بتخلى الروس كدا هو بدنجان
ليست هناك تعليقات:
إرسال تعليق