ناس بتدور علي شغل ومش لاقيين
يا آنسات يا مندوب مبيعات طالبين
ناس عزاب وناس مجوزين
اعتصامات في القائد ابراهيم والسويس والتحرير
وزارات تظهر وزارات تختفي من اجل التغيير
ظلمه وقتلة وفاسدين
كوسه وبطيخ وشمام مطبوخين
وفي الباليه وباسكت وكره ماء متميزين
عزف تحت الماء وتلحين
عالفيس والياهو وتويتر مفضفضين
شات وجروبات وبيجات مقضيين
شعراء وملحنين ومطربين
هواه وبيجربوا ومتمكنين
حتي يوم الاتنين مفيش أجازه للحلاقين
كوره وكئوس وبرده مش نافعين
حتي في الكوميديا مابقيناش فالحين
سحلب وقهوه وعناب ساقعين
دمينو وشطرنج وطاولة لاعبين
تلوث في كل حاجة معشش فيه بني آدمين
عذاب وزهق وخانقة وبرده ساكتين
أنا مش أنا و أنت مين
هو أحنا في مصر ولا فين
مستنيين الفارس حبيب الملايين
وسندريلا و تويتي و وردتين
كل هذا يؤكد أن الصين بلد عظيم
ليست هناك تعليقات:
إرسال تعليق