13_7_2011
لفوا علينا الحراميه
بتوع فلول الوطني والداخليه
وعلشان احنا حجتنا قويه
مش هنخاف من بيان الفنجري المره ديه
وكفايه صباعه وحركات وشه التخويفيه
بنقوله احنا عدينا الفتره دي
مبقناش بنتهدد من الحركات ديه
وبنقولك شكرا اوي يامجلس ياتابع للناس الوحشين اللي هيه
ياطنطاوي حرام عليك
احنا اهلك والبلد ممكن تنفع بيك
احمي مصر ثورتنا تحميك
بلدك دي هي اللي ياما اكلت من خيرها بايديك
علت الاصوات في الميدان
حقنا مش هنضيعه
عايزين محاكمات للفاسدين
والشهدا تار هنرجعه
والمجلس المدني هيبقي الامين
اللي هيخلينا نستكين
يابلدي مهما علا الانين
مش هنسيب الوزراء اللي مش بني ادمين
يلتفوا علي ثورتنا وهنجيبها منين
دي قعدنا سنين ليها بنخطط ومستنيين
وانت يامجلس ياعسكري لازم تفوق
وبلاش تتعود تهين
في اهل بلدك علشان ناس تانيين
كانوا تلاتين سنه تايهين
وفاسدين
وناهبين
ياشرف فين راح صوتك يامسكين
احنا في الميدان هنا رابضين
باشارة منك جاهزين وحاضرين
شرعيتك من الميدان خدتها
ومننا
ومليت الامل في قلوبنا
وانحزت لها ....
الثورة
اللي عاشت رافضه ظلم السنين
كفوفها جت متحنيه قدرة
وعزيمه .....
غالبه كل السلاح المميت المبين
وبعد اعتصامات كتير متفرقين
في محافظات بلدي وسلميين
وافقوا علي استقالتك ياجمل
ومن اهل السويس الأسود
بيعلي صوت الموت والصمود
اطلعنا علي نص التحقيقات مع المخلوع بعد سكوت
ياعم الغول
كان فين من بدري
ولا يعني كان لازم نعود
ونرجع نقول لا يامجلس ياعسكري الثورة دي حقيقه وألتزام مش وعود!!
وفي يوم موعود هنرجع
ارض بور للوجود
خضرا الوجوه
صافيه الربوع
منوره
من خير بلادي معمره ومشجره
تطرح عداله وخير وبسمه
في وجوه مكفهره
من بعيد الازمان بتحلم تبقي متحرره
ليست هناك تعليقات:
إرسال تعليق