15_6_2011
ناس بتقول يمكن الحاكم مش بيفهم أو مش بيسمع او يمكن مطنش واحنا بقى عارفين هو بيعمل كده ليه وسايب الدنيا تضرب تقلب وكل الناس عارفة وبتراقب الوضع وهو اللى حيوكس نفسه ان جار علينا واصر على الموقف اللى هو فيه طيب فيها ايه يعنى لما يأمر بتنفيذ مطالب العمال وغيرهم مش دول شعب مصر اللى عمل الثورة عشان يغير حياته ومستقبل اولاده يبقى لية ياحاكم يا عسكرى تقف ضدهم وترهبهم وتعتقلهم وقال ايه تحاكمهم كمان عسكريا لصالح مين الكلام دة وانت بتحكم باسم مين بعد ما فرحنا بيك وقولنا مجلس عاقل وخد القرار اللى يحافظ بيه على نفسه ومؤسسته وبيوت ابنائه ومستقبل اولادهم جاى تضع الخطط ضدالثورة والشعب اللى قام بيها شعبك المصريين اللى هو منبعك وسندك واللى ابنائه هم جنودك وذخرك ورصيدك لصالح مين وانت فاهم كل حاجة مش معقووول يعنى تكون مش فاهم ولماذا لا تغير المادة 60 فى اعلانك الدستورى وتخليها تنص على اختيار او انتخاب جمعية تاسيسية لوضع دستور جديد اولا للبلاد ثم تجرى الانتخابات على اساسة \ مشكلة دى, انت عملت اللى انت عايزه طيب المرة دى اعمل اللى الشعب عايزة مش كدة ولا ايه
احنا نازلين يوم جمعة الحساب يوم 8 يوليو القادم وعايزين رد على مطالبنا 1\الغاء قانون حظر الاضراب والاعتصام 2\الغاء محاكمة المدنيين امام المحاكم العسكرية 3\ محاكمة المخلوع واذنابه بتهمة الافساد السياسى وعلنية المحاكمة 4\رفع الحد الادنى للاجور الى 1200 جنية تنفيذا لحكم المحكمة 5\حل المجالس المحلية وحظر رموز الحزب الواطى المنحل لمدة خمس سنوات 6\انتخاب المحافظين ورؤساء الجامعات وعمداء الكليات وتطهير الشركات والهيئات والمصالح الحكومية والعامة من اذناب النظام السابق 7\تعديل المادة 60 فى اعلان المجلس الحاكم الصادر فى 30 مارس الماضى ليتم تشكيل جمعية تاسيسية تقوم بوضع دستور جديد للبلاد وبعد موافقة الشعب عليه تجرى الانتخابات 8\الاسترشاد بما فعله الجيش بعد هزيمة 67 عندما فتح الباب ليتقدم الراغبون فى التطوع بالقوات المسلحة وانشا الفرقة 101 ودعم بها المؤسسة العسكرية الوطنية نريد تكرار التجربة وتطبيقها بوزارة الداخلية
الصبر .....لو عرفنا السبب حيروح مننا الاحباط والخلط فى الافكار بالنسبة للاستفتاءالشعب كان مركز على ان دى تعديلات داخل الدستور وعلية كان فاهم ان الامور حتبقى العمل بالدستور ثم يتم انتخابات برلمانية وبعدها انتخابات رئيس الجمهورية يعنى هما كانوا صح بالبلدى كده فى اللحظة دى لان حرارة الثورة كانت ملتهبة والناس خافت من سيطرة الجيش على الحكم وايضا الناس خافت يحصل صدام بين الجيش والشعب علشان كدة جائت الاغلبية بنعم ولا يخفى على احد ان الحس العفوى ده لم يجد امامة اى جهة يثق فيها ويسمع لها او منها لان الشعب المصرى من عام 52 وهو يتيم بدون تنظيم يوحد كلمته او حتى خطوته يبقى احنا لازم نفهم صح علشان لا نسلم لليأس أو الاحباط ولما لقينا الشعب بوصلته هي عفويته ادرك كل المخلصين والفاهمين ان المشوار لسة باقى فيه كام خطوة علشان كدة يسرع الجميع الان الى تشكيل احزابهم لان الاحزاب هى الطريقة الوحيدة لكى تاخد بايد الشعب العظيم دة وعلى راى ابراهيم عيسى الشعب يريد تغيير العقول
حتى فى وقت الثورات لازم نسلك الطريق السلمى ونبعد عن الطريق العنيف فى التغيير وبالمناسبة هذه القواعد تعطى فرصة معقولة للجموع حتى تحصل على معلوماتها الصحيحة وتضع البوصلة التى تصنع بها مستقبلها مثلا الحوار اللى حاصل الان حول هل نضع الدستور قبل بناء مؤسسات الدولة ام نبنى مؤسساتنا على اساس اعلان دستورى مؤقت وبعدين نضع دستور وايضا هل الدستور يصنعه شعب عن طريق جمعية تاسيسية توافقية تضم كافة قواه وممثليه ام يصنعه نواب عنة لم يختارهم لكى ينوبوا عنه فى وضع دستور بل انتخبهم كى ينوبوا عنه فى وضع قوانين تنفذ ما اشترطه الشعب فى الدستور كذلك مجلس نواب الشعب سلطة ادنى من الدستور ولا يصح ان تقوم بوضع شروط سلطة الدستور وهذا ثابت بحكم المحكمة الدستورية العليا فى مصر هذا الحوار يوسع دائرة المشاركة الشعبية فى وضع واتخاذ السياسات والاجراءات الصحيحة والسليمة التى نضمن بها انتصار ثورتنا ثورة كل الشعب المصرى ثورة 25 يناير المنصورة باذن اللة
ليست هناك تعليقات:
إرسال تعليق