27/5/2011
اهى رجعت الحروسة لإيدين شعبها من تانى
بعد ما ضحى الشهيد بدم عشانك وعشانى
من قلب حس القضية و ع كتافة شال الامانى
ثار وياة الشعب بحاله وشالوها من حضن الجانى
واهى رجعت المحروسة للشعب المصرى من تانى
فى الاصل هما عصابة ورئيسهم شيخ المنصر
من قوت الشعب يحوش ومن حق اليتيم بيخنصر
لا واجيبلى اصحاب نجلة واللى يهبش واللى يسمسر
ساب الجوع فى الناس بيشكشك ويقولك والله ما بقص
ما هى دية اخلاق فرعون وذعامة شيخ المنصر
والاعلام من بعد "دة قائد " دلوقتى يقولك "دة فلاتى"
" دة خلى الشعب من بعد العزة بقى يمشى محنى و مطاطى "
طب كان فين صوتك يا مذيع لما الشعب د كان بيهاتى
كان فكرك سحابة و تعدى لأ يا ناصح دية الثور يوماتى
دلوقتى ايدت الثورة !! دلوقتى بتقول دة فلاتى !!
ويكون فى علمك انت يا مصرى لو محافظناش على ثورتنا
وما غيرنا بجد قلوبنا المحروسة حتروح من ايدنا
وكأننا ولا روحنا وجينا ولا بأدينا رجعنا حياتنا
وحيجى من تانى مبارك ويراهن على عيشنا وقوتنا
وحندفن فى الرملة رؤسنا ونقول ما ضاعت كرامتنا
ليست هناك تعليقات:
إرسال تعليق