28 / 9 / 2011
و ليه نهاجر و نسيبك يتيمه
لطغيان مماليك الأوان
مش مهم تاخدى منا السكينة
و لو حتى خدتى منا الأمان
كفاية نموت و نندفن تحت بابك
جنب أبطال الزمان
و ليه نحكم عليكى بحفنة سنين
كنتى فيها مغصوبة
و ليه نحكم عليكى بعين الأنين
و انتى عزة مسلوبة
و عزة تاريخك لتكونى أبية
و دم الشهيد لتكونى عفية
و الغمامة رايحة رايحة
و التاريخ راجع يعيدك صبية
********************
و ليه للطغاة نسيب الراية و نسلم
و ليه نترك جروحنا جوانا و نتألم
و انا إسمى فى التاريخ ثائر
لا فيوم خضعت لجبان غائر
و اسألوا الهكسوس و اليهود
و وصية محمد اللى قالها للجدود
أنا خير أجناد البسيطة
و عين جالوت و حطين تشهد
و كل كلمة بقولها فى القصيدة
لكن بيفضل جرح فى صدرى
إزاى بييجى العدو من صلبى و من ضهرى
و ازاى اعرفه من وسط السهام فى الكنانة
و كل يوم بيقول مصر جواية
و فى الخفا يبيع عرضى بغواية !!!
ليست هناك تعليقات:
إرسال تعليق