أنا النهاردة هتكلم عن الناس اللى بيقولوا عليهم فنانين وبيعرفوا يمثلوا, لا وأيه دول هما أصحاب شبابيك التذاكر من افلامهم الهابطة اللى مش عارفة اقول عليها أيه؟!
و أول واحد هتكلم عنه النهاردة الراجل اللى أسمه محمد سعد, ماشى يا استاذى أنت راجل تمام وبتعرف تمثل, طب لما أنت كده, أيه لزمة الاستهبال الغبى اللى أنت بتعمله فى أفلامك؟, يعنى يا سبحان الله تلاقيه عاملك فيلم كامل ومتكلف تتفرج, تلاقى أيه؟, واحد بالع زوره مش عارفة أيه لزمة أنه مش بيعرف يتكلم الا بالسلوب الغبى ده!!
لا وعامل مهيس و بتاع أدمان ورغم ذلك هو بطل الفيلم شفتوا الفن الهادف اللى بيقدمهولنا نجوم مصر, يا سلام تعالوا بقى نتكلم على الفيلم يعنى أيه واحد اسمه الليمبى لا شغلة ولا مشغلة, لا وفى الاخر بعد وصلة الهبل والعبط والاسكتشات والافيهات اللى مش بتضحك اساسا غير الناس التافهة أو الناس اللى بيضحكوا على العبط, أنا كل ما اتفرج على فيلم من افلامه اقسم بالله بيتحرق دمى من المحاولة المجهدة المضنية المستمرة من سعد انه يستظرف ويضحكك الناس!!
يعنى قمة فى الهبل والعبط, أيه ده فى أيه؟
يا ناس أحنا جرى لنا أيه؟
لا حول ولا قوة الا بالله خلاص بقينا بنصرف فلوس على أفلام هابطة, بنصرف فلوس من أجل صناعة الهبل والاستهزاء بعقولنا وييقولك أيه؟!, ده كوميديان من الدرجة الاولى, سبحان الخالق مشفتش حاجة صح بيقدمها تضحك الا فيلم كامل مكون من الاستظراف والاستهزاء ومحاولات مضنية عشان يضحكنا !!
عملت لنا فيلم اسمه كركر وسقط فكان علامة أكيدة وواضحة على أن الناس زهقت وحست أنك بتستهبلهم لا قصة ولا معنى ولا كوميديا محترمة!!
لا ازاى اعملهم فيلم أغبى منه وأسميه بوشكاش, طب الافكار خلصت, اعمل ايه؟, ارجع لهم الافكار القديمة تانى و اسميه اللمبى 8 جيجا !!, نهاية الكلام محمد سعد كسب وعن جدارة لقب هدام الفن الكوميدى وفى آخر كل فيلم لما بيحس أنه مقدمش حاجة يقعد يعيط ويتكلم عن الشباب وحال البلد مع أنه لم يظهر اى حلول للمشاكل ولا أظهر اى شى ء فى أفلامه غير فقط التفاهه من الدرجة الاولى
ليست هناك تعليقات:
إرسال تعليق