تاته ........... والعتبة اتسدّت
تاته ........... دول سابوا إديّه
تاته ........... من قبل ما اخطّى
تاته ........... خطوة حريّه
تاته ........... فطمونى بدمى
تاته ........... مالحقتش اسمّى
تاته ........... وعرفت الخوف
تاته ........... وما عشتش غيره
تاته ........... لعبى ومرمية
تاته ........... والورد ضحية
تاته ........... فوق الفستان
تاته ........... بيعيط لونه
تاته ........... والضحكة النونو
تاته ........... فجر ومدبوح
تاته ........... وجبال الضلمة
تاته ........... مهدودة عليّه
تاته ........... وسرير الطوب
تاته ........... فرشته مسنونة
تاته ........... وبتسلخ فيّه
تاته ........... ونعومة إيدى
تاته ........... مش لاقيه وريدى
تاته ........... وصوابعى انكسرت
تاته ........... على نقطة ميّه
تاته .......... والأرض عفية
تاته ........... مش راضيه تسلّم
تاته ........... ليهم ولا ليّه
تاته ........... فينك يا أبويه
تاته ........... أمى وأخويه
تاته ........... حنيّة ستو
تاته ........... خد إيدى يا جدو
تاته ........... دالقلب صغير
تاته ........... والنبض خيول
تاته ........... مربوطة ف روحى
تاته ........... بتجرجر ضعفى
تاته ........... على جمر جروحى
ليست هناك تعليقات:
إرسال تعليق