ذات مومنت لما أكون قاعدة في كوستا كافية في سيدي عبدالرحمن ويجي واحد يقولي: أنا بشبه علي حضرتك.
" أنا في دهشة حضرتي إزاي يعني؟! "
- مش أنتِ نورمانجا بتاعة التولتمية ؟
- تولتمية إيه يا أستاذ أنت عايز فلوس.
- لا أصلي شفت حضرتك مع أستاذ فلان.
- لا مشفتنيش.
- لا دنا متأكد حتي معايا صورة حضرتك.
- لا مش أنا.
- بقول لحضرتك أنا متأكد.
- الله هو أنت هتعرفني أكتر مني ياعم أنت.
- أصل مش ممكن الشبه.
- آه أنت أكيد تقصد أختي من أب وأم تانيين هي دايما تقول أنها مانجا مع أنها مش مانجا خالص.
- أيوة يعني حضرتك مانجا
- لا أنا نور!
والله حسيت أنه شوية وهيقول أنا مش عارفني أنا توهت مني.
#بلانيلة
ليست هناك تعليقات:
إرسال تعليق