شعر: عامية – فصحى: على لسان فلسطين بقـــلم / مـحـمـد صــلاح

 

يعنى ايه نرفع ايدينا بالسلام عشان الغزاه

يعنى لما نخاف ف يوم لازم ندوق مر الحياه

خذلونى كل العرب .. وبردو رفضت أركع

خدعونى شوية كلاب .. وف حريتى بطمع

ابعت جنودك هات .. ابعت وحمل لى

هيجى يوم وهموت وابنى يكمل لى

مش هخاف أنا من مدافعك

مش هخاف أنا م الحصار

بس هخاف ف يوم أعاندك

ألقى الدموع فى عيون صغار

ابنى فى وسط الحرب

وبردو لساه صامد

ناوى يسير فى الدرب

بيردد أنا جامد

ابنى بقى يلومنى

بكلامه يأسرنى

شايفاه ببيتعذب تمللى

لحد ما فاض بيه وقالى

عرفنا فيكى كل حاجه .. ويعنى ايه كلمة وطن

و اللى ماتو شهدا دول .. كان قلبهم كله شجن

فيهم شقيقى وفيهم رفيقى اللى يواسينى فى المحن

كل دول كانو متعلمين ازاى يواجهو بس العفن

لكن العفن كان أقوى منهم .. والخير معاهم اندفن

الوداع يا صوتى عشان خلاص مبقاش أصيل

الوداع يا قلبى .. انت منتاش قلب نيل

الوداع ليكى يا بلدى ومتقوليش رد الجميل

الوداع أصح حاجه لأنى رافض اعيش عويل

فين الرجوله يا أمتنا

فين الشهامه فين كرامتنا

فالحين بس تعلمو فينا

قوتنا تبقى فى وحدتنا

كل دوله بس تقولك

احنا غلابه والفقر عمينا

سيبنا فى أحوالنا وبلاوينا

مش هنقدر نعمل حاجه

بنعيب غيرنا والعيب مالينا

صرخت سويا " خذلونى العرب "

ردت العراق " خذلونى من قبل "

ردت فلسطين " بكره تتعودو " !!