الخميس 31مايو 2012
..................................................
صعبان عليكى يا بلد ....تتهنى بولادك!
بتجزى ليه فالولد ..........وتقفلى بابك؟
النور يا دوب اتولد ......طفتيه بحسادك.
والعتمة صارت وتد.........واندق لخرابك.
دالثورة كانت سند ......لاولادك احبابك.
والعزم ليه اتهمد.......والكل ليه سابك؟
امتى الجلاد يتجلد.......وتخلصى تارك؟
والصقر فل وشرد..........واتهد محرابك!
يا مصر ليه الفلول بقو كترة ليه وديول؟
وولادك ليه العدول مايقفو فوش الغول؟
بكرة يمر الحول .......نندم كمان ونقول
يا مصر ليه الجبان ..اصبح له بينا مكان
وولادك الشجعان ..هجرو تراب الميدان
والنخوة فين يا زمان لما الخسيس بيبان
دالوقتى صار الفريق ممكن ينجى غريق؟!
الكل اصبح فلول ؟ .. الكل اصبح شفيق؟!
من امتى يابن البلد عدو بيصبح صديق ؟!
دول باعوا حتى العرق اللى يبل الريق!!
دول هتكو عرض البلد لما ملانا الضيق!!
ازاى تسيبو البلد تولع يشب حريق؟!!
ازاى بيرضى الولد للام يوم بزعيق؟!
هانت عليكو البلد؟ دم الشهيد اتنسى
رايحين تودو البلد ؟ للى قتلها واسى
ازاى تربو الولد؟ عالذل والمكنسة؟!
دم الشهيد اتنسى .دم الشهيد اتنسى
عندك حق قصيده مؤلمه بس هى دى الحقيقه ودائما مابتكون قاسية اللى المفروض يجيبوا حق الشهداء مشغولون بحصد الغنائم متجاهلين السنة الشكوى من قاموا بإعطاء صوتهم لهم يعزينى ان اقول ( مصر فى الأكفان ) تسلم يدك شاعرنا الجميل وانتظر المزيد من نابداعاتك
ردحذف